Exodus 12:36-38

Ang Salita ng Dios (Tagalog Contemporary Bible)

³⁶ Niloob ng Panginoon na maging mabuti ang mga Egipcio sa mga Israelita, kaya ibinigay ng mga Egipcio ang mga hinihingi nila. Sa ganitong paraan, nasamsam nila ang mga ari-arian ng mga Egipcio.

³⁷ Naglakbay ang mga Israelita mula Rameses papuntang Sucot. Mga 600,000 lahat ang lalaki, hindi pa kabilang dito ang mga babae at mga bata. ³⁸ Marami ring mga dayuhan ang sumama sa kanila at marami silang dinalang hayop.